सैनामैना, ८ मंसिर । सैनामैना नगरपालिका वडा नंं ११ बनकट्टी फूलपाती चोकमा ४१ बर्ष अघि लगाएको बरपिपलको विवाह गरिएको छ ।
शनिवार स्थानीय युवा र टोलबासीको समन्वय र नेतृत्वमा बरपिपलको विवाहका साथै चौपारी निर्माण समेत सम्पन्न गरिएको छ । ४१ बर्षअघि स्थानीय मोहनलाल अर्यालले बरपिपल लगाउनुभएको थियो ।
स्थानीय युवा हेमन्त घिमिरेले चौपारी निर्माण गरेर बरपिपलको विवाह गरिएको बताउनुभयो ।
चौपारी बनाउन करिव एकलाख ३० हजार रुपैया सहयोग संकलन भएको थियो भने श्रमदान समेत गरिएको छ ।
चौपारी वनाउन थोरै जग्गा अपुग भएपछि जनज्योति प्राविले पनि जग्गा दिएको हेमन्त घिमिरेले बताउनुभयो ।
कार्यक्रममा चन्दादाताहरुको नाम पढेर सम्मान गरिएको थियो भने चौपारी बनाउन श्रमदान गर्ने ३२ जनालाई दोसल्ला ओढाएर सम्मान गरिएको थियो ।