बुटवल स्थित कालिका मानवज्ञान माविको ६४ औं बर्षििकोत्सवको अवसरमा आयोजित जिल्ला स्तरीय कालिका कप अन्तर्गत कबड्डी छात्र छात्रा दुबै तर्फ कालिका मानवज्ञान मावि प्रथम भएको छ ।

कबड्डि छात्रा तर्फ नविन औद्योगिक मावि द्वितीय भएको छ भने न्यु होराइजन मावि तृतीय भएको छ । त्यस्तै कबड्डी छात्र तर्फ न्यु होराइजन मावि द्वितीय भएको छ भने होराइजन जिविएस तृतीय भयो ।

कालिका कप भलिबल प्रतियोगिता अन्तर्गत छात्रा तर्फ न्यु होराइजन प्रथम,एभरेस्ट बोर्डिङ स्कुल द्वितीय र
कवरवर्ती बोर्डिङ स्कुल तृतीय भयो । भलिबल छात्र तर्फ न्यु होराइजन प्रथम कालिका मानवज्ञान मा वि द्वितीय र कवरवर्ती बोर्डिङ स्कुल तृतीय भएको विद्यालयका खेल प्रशिक्षक हरिश वलीले जानकारी दिए ।
त्यस्तै स्एथलेटिक्स तर्फ पशुपति मावि प्रथम,कालिका मानवज्ञान द्वितीय र जनज्योति मावि तिलोत्तमा तृतीय भएको विद्यालयले जनाएको छ ।

प्रतियोगितामा विजेता खेलाडीहरूलाई शुक्रबार एक कार्यक्रमकाबीच बुटवल उपमहानगरपालिकाका नगर खेलकुद विकास समितिका अध्यक्ष बोनिन पिया,विद्यालय ब्यवस्थापन समिति अध्यक्ष नित्यानन्द ज्ञवाली, विद्यालयका प्रधानाध्यापक दिनेश थापा,अभिभावक संघ रूपन्देहीका अध्यक्ष लोकनाथ ज्ञवालीलगायतले पुरस्कार तथा मेडल प्रदान गरे ।

प्रतियोगितामा प्रथम हुने विद्यालयले ३० हजार,द्वितीय हुनेले २० हजार र तृतीय हुनेले १० हजार नगद पुरस्कार प्राप्त गरेका छन् ।