रुपन्देहीको तिलोत्तमा १४ भलवारीमा रहेको ब्रिटिश ग्रामर स्कुलको खेल सप्ताह शनिवार समापन भएको छ । सप्ताहको अवसरमा विभिन्न खेल प्रतियोगितामा बिजयी विद्यार्थीहरुलाई पुरस्कार वितरण गरिएको हो ।

समापनकै अवसरमा अभिभावकहरुको म्युजिकल चेयर, बेलुनफोड लगायत विविध खेलकुद सम्पन्न भएको छ ।
पुस २४ देखि सुरु भएको खेल सप्ताहमा क्रिकेट, भलिबल, बास्केटबल तथा बाल प्रतिभा सम्वन्धि विभिन्न प्रतियोगिता गरिएको थियो ।
विद्यालयका प्राचार्य दिलबहादुर बुढाथोकीले खेल सप्ताहमा विद्यार्थीहरुको उत्कृष्ट सहभागिता रहेको बताउँदै अभिभावकहरुको समेत उत्साहजनक सहभागिताले विद्यालय उत्साहित भएको बताउनुभयो ।

उहाँले खेल सप्ताहमा सवै विद्यार्थीहरुको सहभागितालाई प्राथमिकता दिएको बताउँदै खेल सप्ताहले उत्साह थपेको बताउनुभयो ।

खेल सप्ताहमा विजेतालाई बधाई तथा प्रतिस्पर्धी तथा सहभागी लगायत प्रत्यक्ष अप्रत्यक्ष रुपमा कार्यक्रमलाई सफल गराउन सहयोग गर्ने सबैलाई जिल्ला समन्वय समिति रुपन्देहीका प्रमुख उमाकान्त चापागाईले पुरस्कार तथा प्रमाणपत्र वितरण गर्नुभएको थियो । उक्त विद्यालयले पछिल्लोसमय उ्रत्कृष्ट नतिजा दिलाउन सफल हुँदै आएको छ ।