बुटवलस्थित लुम्बिनी बाणिज्य क्याम्पसले मंगलबार ४४ औं बार्षिकोत्सव मनाएको छ । बुटवल उपमहानगरपालिकाका प्रमुख खेलराज पाण्डेको प्रमुख आतिथ्यतामा भएको बार्षिकोत्सव मूल समारोहलाई सम्बोधन गर्दै नगर प्रमुख पाण्डेले लुम्बिनी बाणिज्य क्याम्पस बुटवल क्षेत्रकै एक महत्वपूर्ण शैक्षिक धरोहर रहेको चर्चा गर्दै यसको उन्नती र प्रगतीका लागि आफ्नो तर्फबाट सधै रचनात्मक सहयोग रहने प्रतिबद्धता जनाउनुभयो ।

विद्यालय व्यवस्थापन समितिका अध्यक्ष सुरेन्द्रप्रसाद श्रेष्ठको अध्यक्षतामा भएको बार्षिकोत्सव कार्यक्रममा लुम्बिनी बाणिज्य क्याम्पसका पूर्व अध्यक्ष मोतीराम पाण्डे, बुटवल उद्योग बाणिज्य संघका अध्यक्ष हरिप्रसाद अर्याल लगायतले बोल्दै क्याम्पसले अहिलेसम्म पु¥याएको योगदानको चर्चा गर्दै आगामी दिनमा क्याम्पसलाई मानित विश्वविद्यालयको रुपमा अघि बढाउनुपर्ने बताउनुभएको थियो ।

क्याम्पसका क्याम्पस प्रमुख डाक्टर ताराप्रसाद उपाध्यायले बार्षिक प्रतिवेदन प्रस्तुत गर्नुभएको कार्यक्रममा क्याम्पसमा लामो समय काम गर्नेहरुलाई प्रमाणपत्र तथा मायाको चिनो प्रदान गरिएको थियो ।