रुपन्देहीको सैनामैना नगरपालिकाले सेवाग्राहीलाई सहजरुपमा सुविधा पु¥याउने उद्देश्यले पहिलोपटक हरेक वडाहरुमा प्राविधिकहरु व्यवस्था गरेको छ ।
वडाबाटै नक्साको काम र विकास निर्माणको कामलाई तीब्रता दिने उद्देश्यले सैनामैना नगरपालिकाले यो व्यवस्था गरेको हो ।
अव सेवाग्राहीले वडाबाटै नक्साको काम हुने भएपछि नक्सा पास बाहेक घर नक्सा सम्वन्धि अरु कामका लागि नगरपालिका धाउनु नपर्ने भएको छ । यसबाट सेवाग्राहीको समयको बचत भएको छ भने सेवाग्राहीले पालिका कार्यालयसम्मै धाउनुपर्ने झञ्झटबाट मुक्ति मिलेको प्रतिकृया दिएका छन ।

गत साउन २५ गते प्रमुख प्रशासकीय अधिकृत जीवन ज्ञवालीबाट भएको उक्त निर्णय अहिले कार्यान्वयनमा आईसकेको छ भने वडाबाटै सेवाग्राहीले इञ्जिनियरिङ सेवा पाउन थालेका छन । सैनामैना नगरपालिकाको यो निर्णयलाई सेवाग्राहीले प्रशंसा गर्दै सेवा प्रवाहमा सैनामैना नगर एक तह माथि उठेको प्रतिकृया दिएका छन ।
सैनामैना नगरपालिकाले हरेक वडामा प्राविधिकबाट सेवा दिने लक्ष्य राखेको थियो । त्यो अहिले पूरा भएको छ ।
सैनामैना नगरपालिका वडा नंं ११ का वडा सचिव नविन शाक्यले वडामा कर्मचारी कम हुँदा काम गर्न कठिनाई भएको अवस्थामा नगरपालिकाले वडामा प्राविधिक कर्मचारी खटाईदिँदा काम गर्न सहज हुने र यसबाट सेवाग्राहीले छिटो सेवा पाउने अवस्था सिर्जना भएको बताउनुभयो ।

नगरपालिकाको निर्णय अनुसार सैनामैना नगरपालिका वडा नं. १ मा असिस्टेन्ट सव इञ्जिनियर अशोक खनाल, वडा नंं २ मा सव इञ्जिनियर देवराज घिमिरे, वडा नं. ३ मा सव इञ्जिनियर रोमन सुवेदी, वडा नं. ४ मा सव इञ्जिनियर केशव पाण्डे, वडा नंं ५ मा गणेशबहादुर एमसी र वडा नंं ६ र ७ मा सव इञ्जिनियर विरेन्द्रकुमार टण्डनलाई खटाइएको छ ।

त्यसैगरी वडा नं. ८ मा असिस्टेण्ट सव इञ्जिनियर उमेश काफ्ले, वडा नंं ९ मा सव इञ्जिनियर प्रदिप गिरी, वडा नंं १० मा सव इञ्जिनियर जनकराज सापकोटा र वडा नंं ११ मा असिस्टेन्ट सव इञ्जिनियर केशवराज पन्थीलाई खटाएको छ ।
त्यसैगरी नगरपालिकाले वडा सचिवहरुको समेत सरुवा गरेको छ । जस अनुसार वडा नंं ३ का वडा सचिव पुण्यप्रसाद आचार्यलाई वडा नंं ६ मा वडा नंं ६ का मिनाराम पन्थीलाई वडा नं. ३ को वडा सचिवमा सरुवा गरिएको छ । वडा नंं ४ का वडा सचिव हेमराज चौधरीलाई वडा नंं ८ को वडा सचिवमा सरुवा गरिएको छ भने वडा नं. ८ का वडा सचिव बसन्त घिमिरेलाई वडा नं. ४ को वडा सचिवमा सरुवा भएको छ ।