रुपन्देहीको सैनामैना नगरपालिकामा सुरक्षित आप्रबासन (सामी) कार्यक्रम अन्तरगत चौथो चरणको कार्यान्वयन मोडालिटी सम्बन्धमा अभिमुखीकरण कार्यक्रम आयोजना गरिएको छ ।
सैनामैना नगरपालिकाको सभाहलमा आयोजित कार्यक्रममा सामी कार्यक्रमको जिल्ला तहको प्रगतिको अवस्थाका बिषयमा सामीकी रुपन्देही जिल्ला कार्यक्रम संयोजक सिता पन्थ भण्डारीले सहजीकरण गर्नुभएको थियो ।
उहाँले सामी कार्यक्रममा रुपन्देहीका १६ वटै पालिका समेटिएको बताउँदै बैदेशिक रोजगारीमा जानेहरुलाई विभिन्न प्रकारको तालिम, अभिमुखीकरण, मनोसामाजिक परामर्श, कानुनी सहजीकरण, सिप तथा तालिमको सहजीकरण लगायतका सल्लाह, परामर्श र सचेतनाका विभिन्न कार्यक्रम गरिएको बताउनुभयो ।

कार्यक्रम संयोजक भण्डारीले रोजगार सेवा केन्द्रबाट समन्वय गरि चारजना मृतक परिवारलाई ४० लाख र विरामी भएका एकजनालाई सात लाख रुपैया दिलाउन सहजीकरण गरिएको बताउनुभयो ।
कार्यक्रममा बोल्दै सैनामैना नगरपालिकाका प्रमुख फणेन्द्रप्रसाद शर्माले बैदेशिक रोजगारीको सिलसिलामा समस्यामा परेका कामदार र उनीहरुका परिवारलाई कानुनी तथा अन्य सहायता उपलब्ध गराउन सामीले सहजीकरण गर्दै आएको र त्यसबाट धेरैले लाभ लिएको बताउँदै आगामी दिनमा पनि सामीले बैदेशिक रोजगारीमा जाने तथा समस्यामा परेकाहरुलाई विभिन्न प्रकारको परामर्श दिने कुरामा अझै प्रभावकारी भूमिका खेल्ने विश्वास ब्यक्त गर्नुभयो ।
सामी कार्यक्रमले बैदेशिक रोजगारीमा जान चाहने आप्रवासी कामदारका लागि प्रस्थानपूर्वको सीपमूलक तालिमको बारेमा आवश्यक सूचना गर्ने गरेको छ । त्यसैगरी बैदेशिक रोजगारीका कारण समस्यामा परेका व्यक्ति तथा परिवारलाई मनोसामाजिक लगायत अन्य परामर्श समेत प्रदान गर्दै आएको छ ।
त्यसैगरी बैदेशिक रोजगारीकै सिलसिलामा मृत्युभएका र अंगभंग भएका कामदारको हकमा बैदेशिक रोजगार बोर्डबाट आर्थिक सहायता उपलब्ध गराउन सहजीकरण गर्दै आएको छ ।

बैदेशिक रोजगारीमा जानुपूर्व अनिवार्य श्रम गरेर जान समेत कार्यक्रममा सुझाव दिइएको छ । जस अनुसार बैदेशिक रोजगारीमा गएको बेला बिदेशमै मृत्यु भएमा १० लाख, नेपाल फर्केको एक बर्षभित्रमा अधिकतम आर्थिक सहायत तथा क्षतिपूर्ति रकम ७ लाख, विरामी कामदारलाई उपचार खर्च, मृतक परिवारलाई आर्थिक सहायता दिने व्यवस्था रहेको छ । त्यसैगरी सामाजिक सुरक्षा कोष र बैदेशिक रोजगार बोर्ड अन्तरगत मृतक कामदारको शव घरसम्म पु¥याउने व्यवस्था समेत रहेको छ ।