सैनामैना । सैनामैना नगरपालिका वडा नं। ५ मा “सफा पानी पिऊँ, निरोगी बनौं” भन्ने मुल नारा सहित बुद्धनगर खानेपानी तथा उपभोक्ता समितिले सरसफाई सामाग्री वितरण र विजयादशमी तथा शुभ दिपावलीको शुभकामना अदान – प्रदान कार्यक्रम सम्पन्न गरेको छ ।

शुभकामना आदान प्रदान कार्यक्रमा बोल्दै प्रमुख अतिथी सैनामैना नगरपालिका वडा नं। ५ का अध्यक्ष धन प्रसाद पौडेलले भने बुद्धनगर खानेपानि तथा उपभोक्ता समितिले छोटो समयमै निकै उत्कृष्ट काम गरेको बताउदै मुक्तकण्ठले प्रसंसा गरे । खानेपानीको काहाली लाग्दो बिगतका बारेका पनि जानकारी गराएका थिए ।
यसै गरी संस्थाका सल्लाहकार जिवनाथ पाण्डे, दुर्गा भण्डारी, भिम सुवेदी लगायतले संस्थाको उत्तरउत्तर प्रगतीको कामना गर्दै चाडपर्वको शुभकामना व्यक्त गरेका थिए ।

सोहि अवसरमा आयोजित कार्यक्रममा संस्थाका अध्यक्ष रामप्रसाद भुसालले सरसफाई सामाग्री हस्तान्तरण गरेका थिए ।अध्यक्ष भुसालले सरसफाई सामाग्री हस्तान्तरण गर्दै व्यक्ति र घर मात्र सफा भएर नहुने भन्दै टोल र बाटो तथा पार्कहरु पनि सफा राख्नुपर्ने सबैको जिम्मेवारी रहेकोले खानेपानी कार्यालयले सबैलाई जिम्मेवार वनाउन सरसफाई सामाग्री वितरण गरेको वताए ।

कार्यक्रममा संस्थाका सचिव तल्सीश्वर कडेंलको सञ्चालन तथा संस्थाका कोषाअध्यक्ष विश्वमणी घिमिरेले स्वागत मन्तव्य राख्नुभएको थियो ।