नबिन घिमिरे
कञ्चन

रुपन्देहीको कञ्चन गाउँपालिकामा बुधबार सुत्केरी भएपछिको अवस्थाको जाँच सम्वन्धि गोष्ठी सम्पन्न भएको छ ।
कार्यक्रममा आ.व. २०७९÷०८० को प्रगती प्रतिबेदन पेश गदै कञ्चन गाउँपालिकाको स्वास्थ्य शाखा प्रमुख रामप्रसाद गौतमले कञ्चन गाउँपालिकामा एक बर्षमा ६ सय ४० जना सुत्केरी भएकोमा ५ सय ८१ जनाले सुत्केरी पछिको जाँच सम्वन्धि स्वास्थ्य सेवा लिएको बताउनु भयो ।

गोष्ठीको शुभारम्भ गर्दै कञ्चन गाउँपालिकाका अध्यक्ष नवराज ढकालले शिक्षा र स्वास्थ्य मानिसको जीवनको सवैभन्दा महत्वपूर्ण विषय भएकोले आफूहरुले कञ्चनमा शिक्षा र स्वास्थ्यको क्षेत्रलाई प्राथमिकतामा राखेर काम गरिरहेको बताउनु भयो ।

कार्यक्रममा बोल्दै कञ्चन गाउँपालिकाका स्वास्थ्य शाखा प्रमुख रामप्रसाद गौतमले पछिल्लोसमय कञ्चनका गर्भवतीहरु पालिकाको स्वास्थ्य चौकीमा आएर सुत्केरी हुने क्रम बढेको बताउँदै आमा र बच्चाको मृत्यु दर घटाउन कञ्चनमा योजनाबद्ध भएर काम गरिरहेको बताउनु भयो ।

कञ्चनमा नयाँ जनप्रतिनिधि आएपछि पालिकाभित्रै निशुल्क गर्भवती जाँच, निशुल्क प्रयोगशालाको व्यवस्थाका साथै सुत्केरी तथा गर्भपतन सेवा गुणस्तरीय बनाइएको कारण स्थानीय जनताको विश्वास बढेको छ ।