रुपन्देहीको सैनामैना नगरपालिका ४ मा रहेको चौतारी बचत तथा ऋण सहकारी संस्थाको १२ औं बार्षिक साधारण सभा शनिवार सम्पन्न भएको छ । साधारण सभाको उदघाटन गर्दै सैनामैना नगरपालिकाका प्रमुख तथा सहकारीका सल्लाहकार फणेन्द्रप्रसाद शर्माले सहकारीले यस क्षेत्रको आर्थिक बिकासमा ठूलो भूमिका निर्वाह गरेको बताउँदै आगामी दिनमा पनि सहकारीले प्रगती र उन्नती गर्ने विश्वास ब्यक्त गर्नुभयो ।

सहकारीका अध्यक्ष लोकनाथ अधिकारीको अध्यक्षतामा भएको कार्यक्रममा नेपाली कांग्रेस सैनामैनाका सभापति रणबहादुर खनाल, सैनामैना वडा नंं ४ का वडा अध्यक्ष रामप्रसाद अधिकारी, रेडियो सैनामैनाकी अध्यक्ष कमला पाण्डे, समाजसेवी बिमल ज्ञवाली, सहकारीका पूर्व अध्यक्ष टेकबहादुर रेश्मी, रामनगर सहकारीका अध्यक्ष प्रेमबहादुर खडका, भूमिपुत्र सहकारीका अध्यक्ष दुलबहादुर थारु लगायतले शुभकामना दिनुभएको थियो ।

कार्यक्रमको संचालन सहकारीका सचिव चिन्तामणि भुसालले गर्नुभएको थियो भने स्वागत उपाध्यक्ष जगन्नाथ गौतमले गर्नुभएको थियो ।