स्याङ्जाको कालीगण्डकी गाउँपालिकामा सञ्चालित ‘पाँचौँ अध्यक्ष कप कालीगण्डकी खेलकुद महोत्सव’ सम्पन्न भएको छ ।
कालीगण्डकीको मिर्मी स्थित खेलमैदानमा भएको प्रतियोगिताको उपाधी वडा नं ७ ले जितेको छ ।
छ स्वर्ण, दुई रजत र चार कास्यसहित १२ पदक जित्दै वडा नं।७ पहिलो भएको हो । तीन स्वर्ण, चार रजत र चार कास्य गरी ११ पदक जित्दै वडा नं ५ दोस्रो भएको छ । यस्तै, तीन स्वर्ण, तीन रजत र एक कास्य गरी सात पदक जित्दै वडा नं २ तेस्रो भएको छ ।
पालिकाले कृषि पूर्वाधार विकाससँगै खेलकुदलाई पनि प्राथमिकतामा राखेर बर्षेनी खेलकुद महोत्सवको आयोजना गर्दै आएको अध्यक्ष तथा गाउँपालिका महासंघका महासचिव खिमबहादुर थापाले जानकारी दिनुभयो ।
प्रतियोगितामा महिला तथा पुरुष भलिबल, फुटबल, एथलेटिक्स, व्यटमिन्टन, बुद्धीचाल र टेवल टेनिस गरी ६ विधामा खेलाईने र पुरुष तर्फ क्रिकेट गरी जम्मा सात विधा गरी एक्काईस खेल खेलाइएको थियो । खेलको उद्घाटन राष्ट्रिय सभाका अध्यक्ष गणेश तिमिल्सीनाले गर्नु भएको थियो ।
प्रतिक्रिया
सम्बन्धित खवर
