रुपन्देहीको सैनामैना नगरपालिका वडा नं. १० झिमझिमियामा रहेको पञ्चज्योति स्वावलम्बन बचत तथा ऋण सहकारी संस्था लिमिटेडको २४ औं बार्षिक उत्सवको अवसरमा रक्तदान कार्यक्रम सम्पन्न भएको छ ।
नेपाल रेडक्रस सोसाईटीसंगको सहकार्यमा भएको रक्तदान कार्यक्रममा ४० जना सेयर सदस्यहरुले रक्तदान गरेका छन ।
रक्तदान कार्यक्रमका संयोजक लक्ष्मण पौडेलले कुनैपनि विरामीको रगत अभावका कारण मृत्यु बरण गर्नु नपरोस भन्ने उद्देश्यले रक्तदान कार्यक्रम गएिको बताउनु भयो । उहाँले रक्तदान जीवनदान भन्ने नारा अनुसार नै पवित्र उद्देश्यले रक्तदानमा सहकारीका सदस्यहरुले रक्तदान गरेको बताउनु भयो ।

सहकारीले हरेक बर्ष बार्षिक उत्सवको अवसरमा यस्तै सामाजिक काम गर्दै आएको छ । यसैबीच सहकारीको साधारण सभा समेत सोमबार नै सम्पन्न भएको छ ।