सैनामैना नगरपालिका वडा नं. ४ वडा कार्यालयले बार्षिक कार्यक्रम अन्तरगत गरिव तथा जेहेन्दार विद्यार्थीहरुलाई एक लाख मूल्य बराबरको स्टेशनरी सामाग्री वितरण गरेको छ ।

विद्यार्थीहरुलाई स्टेशनरी सामाग्री वितरण गर्दै सैनामैना नगरपालिका वडा नं. ४ का वडा अध्यक्ष रामप्रसाद अधिकारीले सैनामैना नगरपालिकाको स्वीकृत बजेट अन्तरगत अति विपन्न परिबारका विद्यार्थीलाई शैक्षिक सामाग्री वितरण गरिएको बताउँदै यसबाट विद्यार्थी र उनीहरुको परिबारमा खुसी आउने बताउनु भयो । उहाँले आगामी बर्षहरुमा पनि शैक्षिक कार्यक्रमलाई वडाले निरन्तरता दिने प्रतिवद्धता जनाउनु भयो ।

कार्यक्रममा पर्रोहा माध्यमिक विद्यालयका सहायक प्रधानाध्यापक हरिप्रसाद भट्टराई, पर्रोहा बहुमुखी क्याम्पसका क्याम्पस प्रमुख हेमचन्द्र खरेल, सैनामैना जेसिजका अध्यक्ष शिशिर ज्ञवाली, बृहस्पती सहकारी संस्थाका अध्यक्ष प्रेमप्रसाद सापकोटा, पर्रोहा सामुदायिक वनका अध्यक्ष गोपाल आचार्य र वडा सदस्य निर्मला बगाले मगरले शुभकामना दिनुभएको थियो ।

सैनामैना नगरपालिका वडा नं. ४ वडा अध्यक्ष रामप्रसाद अधिकारीको अध्यक्षता तथा वडा सचिव हेमराज चौधरीले संचालन गर्नुभएको कार्यक्रममा सैनामैना ४ का वडा सदस्य तेजनारायण सुवेदीले स्वागत गर्नुभएको थियो ।

कार्यक्रममा पर्रोहा माध्यमिक विद्यालय र पर्रोहा बहुमुखी क्याम्पसका गरि ३० जना विद्यार्थीलाई एक झोला, एक दर्जन कापी र एक प्याकेट कलम प्रदान गरिएको थियो ।