कपिलवस्तु ।
सामाजिक परम्परालाई तोड्दै कपिलवस्तु नगरपालिका वडा नम्बर ३ आनन्दबागकी २४ वर्षिया अनिशा दाहालले आफनो बुबालाई दागबत्ती दिएकी छिन्। दागबत्ती पछि उनी किरियामा समेत बसेकी छिन्। धार्मिक परम्ंपरा अनुसार पुरुषले मात्र दागबत्ती दिने चलन छ। तर, अनिशाले आइतवार बुबालाई गुमाए पछि दागबत्ति दिएकी हुन्।
उनले सोमवार कपिलवस्तु नगरपालिका वडा नम्बर ३ रामघाटमा किरिया बस्ने सेतो पहिरनमै आफनो बुवाको शवमा दागबत्ती दिएर अन्तिम श्रद्धाञ्जली दिएकी हुन्।
मृतक दाहालकी छोरी अंकिता र कान्छी छोरी अनिशाले घरबाट रामघाटसम्म शवलाई काँधमा बोकेर समेत लगेका थिए। अनिशा काठमाडौँमा आईटी विषयमा ब्याचलरमा अध्ययनरत छिन् ।
प्रतिक्रिया
