विश्व शान्तिका लागि म्याराथन दौड भने मुल नाराका साथ रुपन्देहीको सैनामैना नगरपालिका ६ मा रहेको सहिद नारायण पोखरेल रामापुर क्याम्पसले आईतवार म्याराथन दौड प्रतियोगिता आयोजना गरेको छ ।
म्याराथन दौडको शुभारम्भ सैनामैना नगरपालिकाका प्रमुख फणेन्द्रप्रसाद शर्माले सैनामैना ४ मुर्गियास्थित लुम्बिनी गेटमा शान्तिका दूत परेवा उडाएर शुभारम्भ गर्नुभयो ।
म्याराथन दौड मुर्गियादेखि सुरु भएर सहिद नारायण पोखरेल रामापुर क्याम्पसको गेटसम्म पुगेर सम्पन्न भएको थियो ।
म्याराथनमा पुरुषतर्फ क्याम्पसका विद्यार्थी उमेश बरई प्रथम भएका थिए भने दोश्रो आकास पुन तथा तेश्रो सुशील भुसाल भएका छन ।
त्यसैगरी महिलातर्फ सुमिना नेपाली प्रथम भएकी छिन भने दोश्रोमा रोमा अधिकारी तथा तृतीय बिपना जैशी हुन सफल भएका छन ।
म्याराथन प्रतियोगिताबाट खेल क्षेत्रको मात्रै नभै नेपाली नेपाली बीच आपसी भाईचारा सम्बन्ध विकास गर्न समेत सहयोग पुग्ने विश्वास गरिएको छ ।