रुपन्देही जिल्लाको कञ्चन गाउँपालिकाको गाउँसभाले पालिकाको विपद व्यवस्थापन जोखिम न्यूनिकरण तथा व्यवस्थापन गर्न बनेको बिधेयक २०८० सर्वसम्मतिले पारित गरेको छ ।
कञ्चन गाउँपालिकाका अध्यक्ष तथा गाउँसभाका सभाअध्यक्ष नवराज ढकालले उक्त विधेयक पारित गर्न गाउँसभामा प्रस्तुत गर्दा सर्वसम्मतिले पारित गरेको हो ।

त्यसअघि कञ्चन गाउँपालिकाका प्रवक्ता चित्रलाल तुलाचनले उक्त विधेयक छलफलका लागि सभामा प्रस्तुत गर्नुभएको थियो ।

त्यसैगरी गाउँसभामा सभाको अध्यक्षको हैसियतले पालिका अध्यक्ष ढकालले २०८० साल पौस मसान्तसम्म भएका कार्यपालिकाका निर्णयहरु तथा कञ्चन गाउँपालिकाबाट प्रदान गरिने ब्यक्तिगत तथा आर्थिक सहायत सम्वन्धि कार्यलाई व्यवस्थित गर्न बनेको ऐन २०८० बमोजिम भएको खर्च तथा सेवा परामर्शमार्फत संचालन भएका तालिम तथा कार्यक्रमको अनुमोदन र स्वीकृतिको प्रस्ताव सर्वसम्मतिले पारित गरेको छ ।
कञ्चन गाउँपालिकाको गाउँ सभा तथा १५ औं अधिवेशन गाउँपालिकाको सभाहलमा गत माघ १५ गतेद सोमबारदेखि सुरु भएको हो ।
गाउँपालिकाका अध्यक्ष ढकालले १५ औं अधिवेशन हिउँदै अधिवेशन भएकोले यो अधिवेशनलाई बिधान कार्यान्वयन अधिवेशनको रुपमा अघि बढाउनु जनाउनुभएको थियो ।
गाउँसभाको सुरुको दिन प्रम्ुख प्रशासकीय अधिकृत सागर गौतमले अर्धबार्षिक प्रगति प्रतिवेदन प्रस्तुत गर्नुभएको थियो ।