रुपन्देहीको सैनामैनामा रहेको न्यू एकेडेमी बोडिङ्ग स्कुलले आफ्नो १९ औं बार्षिकोत्सव एव अभिभावक दिवस बुधबार सम्पन्न गरेको छ ।

बार्षिकोत्सव एव अभिभावक दिवस समारोहलाई सम्बोधन गर्दै सैनामैना नगरपालिकाका प्रमुख फणेन्द्रप्रसाद शर्माले न्यू एकेडेमी बोर्डिङ स्कुलले शैक्षिक नतिजासंगै सामाजिक गतिबिधिमा समेत उत्कृष्ट र उदाहरणीय काम गर्दै आएको बताउनु भयो ।

नगर प्रमुख शर्माले न्यू एकेडेमी बोडिङ यस क्षेत्रको उत्कृष्ट शैक्षिक संस्थाको रुपमा अब्बल बन्दै गएको बताउनु भयो । उहाँले यो विद्यालयलाई यहाँसम्म पु¥याउन सकेकोमा विद्यालय परिवार, विद्यार्थी, अभिभावक सवैको उत्तिकै योगदान रहेको उल्लेख गर्नुभयो । न्यू एकेडेमीले शिक्षा क्षेत्रमा एक अब्बल संस्थाको रुपमा आफ्नो पहिचान बनाउदै गएको आफूले पाएको बताउनु भयो ।

कार्यक्रममा सैनामैना नगरपालिका उपप्रमुख बिना रानाले विद्यालयले शिक्षासंगै बिधार्थीहरुमा अतिरिक्त क्रियाकलापका गतिविधि समेत अगाडी बढाउन जरुरी रहेको बताउनु भयो । पछिल्लो समय प्रबृधिले फड्को मार्दै गएकोले प्राबिधिक र ब्यवहारिक शिक्षा कसरी प्रवाह गर्न सकिन्छ भन्ने तर्फ सरोकारवाला सबैको ध्यान पुग्न आवश्यक रहेको समेत उपप्रमुख रानाको भनाई थियो ।

विद्यालय व्यवस्थापन समितिका अध्यक्ष मिनप्रसाद पौडेलले समयसापेक्ष र गुणस्तरीय शिक्षा प्रदान गर्ने उद्देश्यले यस बिधालयको स्थापना गरिएको बताउनु भयो । उहाँले समयको आवश्यकता र माग बमोजिमको शिक्षा कसरी प्रदान गर्न सकिन्छ भन्ने तर्फ बिधालय संचालकहरुले विभिन्न योजना बनाउदै आएको र यका लागि सम्पूर्ण सरोकार पक्ष र अभिभावकहरुको राय, सल्लाह र सुझावको खाचो रहेको समेत बताउनु भयो । उहाँले विद्यालयलाई रुपन्देही जिल्लाकै अब्बल विद्यालय बनाउन लागिपरेको समेत उल्लेख गर्नुभयो ।

बिधालयका प्रधानाध्यापक टोपलाल भट्टराईले विद्यालयले विद्यार्थीहरुलाई पठनपाठनमा मात्र नभई खेलकुद तथा मनोरञ्जनात्मक प्रतियोगिताहरुमा पनि सहभागी गराउदै आएको र बिधालयले विभिन्न क्षेत्रमा उत्कृष्ट नतिजा दिदै आएको बताउनु भएको थियो ।

कार्यक्रममा दिप बोर्डिङका प्रधानाध्यापक टिकाराम न्यौपाने, अक्सफोर्ड कलेजका प्राचार्य दिनेश भुषाल  अभिभावक संघ सैनामैनाका अध्यक्ष बिण्णुप्रसाद पाण्डेय लगायतले शुभकामना मन्तब्य दिनु भएको थियो । कार्यक्रमको अवसरमा बिधार्थीहरुले बिविध साँस्कृतिक कार्यक्रम र नृत्य प्रस्तुत गरेका थिए । सोही अवसरमा बिधालयले उत्कृष्ट बिधार्थीहरुलाई पुरुस्कार तथा मेडल प्रदान गरेको थियो ।

बिधालय परिसर सैनामैना २ मा सम्पन्न कार्यक्रममा स्कुलका एकेडेमिक चिप नबिन प्रभुको स्वागत रहेको थियो भने बिधालयका शिक्षक नवराज भुषालले कार्यक्रम संचालन गर्नु भएको थियो ।