रुपन्देहीको सैनामैना वडा नं २ मा रहेको लिटील बर्डस ईङ्गलिस स्कुलको २४ औ बार्षिकोत्सव तथा अभिभावक दिवस सम्पन्न भएको छ ।
लिटील बर्डस ईङ्गलिस स्कुलले पछिल्लो समयमा गुणस्तरीय शिक्षा प्रदान गर्दै आएकोले यस क्षेत्रको बिश्वास जित्दै आएको प्याब्सनका केन्द्रिय सचिवालय सदस्य तथा कार्यक्रमका प्रमुख अतिथि लेखनाथ पौडेलले बताउनु भयो ।
बिद्यालयको बार्षिक प्रतिबेदन प्रस्तुत गर्दै विद्यालय व्यवस्थापन समितिका अध्यक्ष प्रेम कुमार शर्माले स्कुलको शैक्षिक गुणस्तरलाई कायम गर्दै अघि बढेको बताउनुभयो । शर्माले विद्यालयको भौतिक पुर्वाधारदेखि अन्य संरचनामा समेत आगामी दिनमा सेवा सुविधाहरु थप्दै जाने योजना रहेको जानकारी गराउनुभयो।
शैक्षिक प्रतिवेदन प्रस्ततु गर्दै प्रिन्सिपल धर्मराज घिमिरेले विद्यालयको शैक्षिक स्तर बढ्दै गएको बताउनुभयो । उहाँले सैद्धान्तिक शिक्षासँगै अतिरिक्त क्रियाकलापमा समेत जोड दिर्दै आएको उल्लेख गर्नुभयो ।
कार्यक्रममा सैनामैना वडा नं. २ का वडाध्यक्ष अमर बहादुर कंडेल,अभिभावक संघ सैनामैनाका अध्यक्ष विष्णु पाण्डेले शैक्षिक गुणस्तर बढाउँदै अघि बढ्न सुझाव दिनुभयो ।
कार्यक्रममा विद्यालयका भ्वाई प्रिन्सिपल सुरेश पौडेलको स्वागत तथा शिक्षक अनिस भण्डारीको सञ्चालनमा सम्पन्न भएको विद्यालयले जनाएको छ । कार्यक्रममा शैक्षिक तथा खेलकुद कार्यक्रममा उत्कृष्ट नतिजा हासिल गर्ने बिद्यार्थीहरुलाई मेडल तथा प्रमाणपत्र सहित सम्मान गरिएको थियो ।
विद्यालयको प्राङ्गणमा भएको कार्यक्रममा व्यवस्थापन समितिका पदाधिकारी, अभिभावक, अन्य शैक्षिक संस्थाका प्रिन्सिपल तथा प्रतिनीधि, शिक्षक एवम् विद्यार्थीको सहभागिता रहेको थियो ।