सैनामैना जेसिज रुपन्देहीले सैनामैना नगरपालिका वडा नंं ७ देउवापारका मृगौला पिडित ३८ बर्षीय इन्द्रमणि पौडेललाई १० हजार पाँचसय रुपैया सहयोग गरेको छ । विहिवार मृगौला पीडित पौडेलकै घरमा पुगेर सहयोग गरिएको सैनामैना जेसिजका अध्यक्ष शिशिर ज्ञवालीले बताउनु भयो ।

सहयोग प्रदान गर्ने कार्यक्रममा नेपाल जेसिजका पूर्व राष्ट्रिय उपाध्यक्ष बिमल ज्ञवाली, सैनामैना जेसिजका निवर्तमान अध्यक्ष यदुनन्द भण्डारी, उपाध्यक्ष अभिनय घिमिरे, सदस्य बृद्धि संयोजक किरण पौडेल तथा सैनामैना नगरपालिका ७ का वडा सदस्य बालकृष्ण पौडेल लगायत सामाजिक अभियन्ताको सहभागिता रहेको थियो ।

सैनामैना जेसिजका अध्यक्ष शिशिर ज्ञवालीले जेसिजले मृगौला पीडित विरामीहरुलाई जेसिजे बिगतमा पनि सहयोग गर्दै आएको बताउँदै समाजमा सकारात्मक योगदान पुग्ने क्षेत्रलाई समेत आफूहरुले प्राथमिकता दिएको बताउनु भयो । उहाँले जेसिजले दिएको सहयोगले मृगौला पीडितको उपचारमा सहयोग पुग्ने विश्वास ब्यक्त गर्दै जेसिजले जस्तै गरि अरु सामाजिक संघ संस्थाहरुले पनि सहयोगको हात अघि बढाए समाजमा सकारात्मक परिवर्त आउने उल्लेख गर्नुभयो ।