महाशिवरात्रीको अवसरमा शुक्रवार बिहानैदेखि देशभरका शिवालय तथा शिवपार्वती मन्दिरहरुमा भक्तजनको घुँइचो लागेको छ ।
रुपन्देहीको सैनामैना नगरपालिका वडा नं. १ मा रहेको पर्रोहा परमेश्वर शिव ज्योतिर्लिङ्ग बोलबम धाम, बुटवल पाल्पा सिमानामा रहेको सिद्धबाबा मन्दिर, कपिलवस्तुको तौलेश्वर मन्दिरमा पूजा गर्ने तथा जल चढाउने भक्तजनको शुक्रबार विहानैदेखि भीड लागेको थियो ।

यसैगरी काठमाण्डौंको पशुपति मन्दिरमा पनि विहानैदेखि भक्तजन तथा दर्शनार्थीको भीड लागेको थियो । सैनामैना ११ को सिद्धबाबा मन्दिर, त्रिपुरेश्वर मन्दिर, सैनामैना १० को शिवालय मन्दिर, सैनामैना ६ कलौनीका कालमोचन शिबालय मन्दिरमा पनि भक्तजनहरुको विहानैदेखि भीड लागेको छ । शिवालयहरूमा बिहीबार रातिदेखि नै काठ तथा दाउरा बालेर जाग्राम बस्ने प्रचलनसमेत रहेको छ । मन्दिरमा पुगेका भक्तजनलाई शिवालयका पुजारीले शिवजीको प्रसाद वितरण गरेका छन् ।