सैनामैनाको मुर्गियामा रहेको पर्रोहा स्वास्थ्य चौकी स्वास्थ्य संस्थाको न्युनतम सेवा मापदण्डमा रुपन्देही जिल्लामै प्रथम भएको छ । स्वास्थ्य संस्थाको पछिल्लो न्युनतम सेवा मापदण्डको स्कोर ९९ प्रतिशत प्राप्त गरि जिल्लाभरीकै उत्कृष्ट भएको हो । सोही अवसरमा स्वास्थ कार्यालय रुपन्देहीले अन्य पालिकाका स्वास्थ शाखा प्रमुख सहित मुर्गिया हेल्थ पोष्ट अवलोकन तथा छलफल गरेको छ ।
कार्यक्रममा बोल्दै सैनामैनाका नगर प्रमुख फडेन्द्रप्रसाद शर्माले न्युनतम सेवा मापदण्डमा जिल्ला कै प्रथम परोहा स्वा चौकी रहेको मा खुसी ब्यक्त गर्दै नगर पालिका बाट नगरबासीलाई आधारभुत स्वास्थ्य सेवा प्रदान गर्न र नगरबासीको स्वास्थ्य अवस्थालाई थप उकास्न नगरले बिशेष कार्यक्रम गर्ने बताउनु भयो । यस्तै कार्यक्रममा नगरपालिका प्रमुख प्रशासकिय अधिकृत जीवन ज्ञवालीले पर्रोहा स्वास्थ्य चौकीले जिल्लामै नविनतम कामको सुरुवात गरेको बताउनु भयो । कार्यक्रममा जिल्ला स्वास्थ्य कार्यलय रुपन्देहीका प्रमुख गौरब ढकालले पर्रोहा स्वास्थ्य चौकीले स्वास्थ्य संस्थाको न्युनतम मापदण्डमा ९९ अंक ल्याएको र त्यो भन्दा माथि जानको लागी सुझाव दिनुभयो ।
कार्यक्रममा सैनामैना नगरपालिकाका वडा अध्यक्ष तथा पर्रोहा हेल्थपोष्ट ब्यबस्थापन समितिका अध्यक्ष रामप्रसाद अधिकारीले स्वास्थ्य संस्थाको सेवाबाट टाढा रहेका समुदायको पहिचान गरि पहुँच र गुणस्तरलाई थप ब्यवस्थित गर्ने बताउनु भयो ।