नेवा देय दबु सैनामैनाको नगरस्तरीय लाखे नाच, कुमारी नाच, घोडा नाच तथा विविध नेवा सांस्कृतिक कार्यक्रम सैनामैनाको वडा नंं १० को दुर्गा मन्दिर सालझण्डीमा सोमबार साँझ सम्पन्न भएको छ ।
नेवा देय दबु्ले हरेक बर्ष सैनामैनाका विभिन्न स्थानमा नेवा संस्कृति संरक्षण गर्ने उद्देश्यले लाखे लगायतका विभिन्न नेवा संस्कृतिसंग जोडिएका नाचहरु प्रदर्शन गर्दै आएको छ ।

सोमबार साँझ भएको नेवा सांस्कृतिक कार्यक्रममा बोल्दै सैनामैना नगरपालिकाका प्रमुख फणेन्द्रप्रसाद शर्माले नेवा संस्कृति नेपालको अत्यन्त पुरानो संस्कृति रहेको चर्चा गर्दै पहिले नेवा संस्कृति हेर्न नेपालकै पुराना शहरमा जानुपर्ने बाध्यता रहेकोमा अहिले सैनामैनामै हेर्न पाईने बताउँदै त्यसका लागि नेवा देय दबुको भूमिका महत्वपूर्ण छ भन्नुभयो । उहाँले नेपाल बहुधार्मिक, बहुसांस्कृतिक मुलुक रहेको चर्चा गर्दै सवै धर्म संस्कृतिलाई अपनत्व हुनेगरी सैनामैना नगरपालिका अघि बढेको उल्लेख गर्नुभयो ।

नेवा देय दबु सैनामैनाका अध्यक्ष देवीप्रसाद श्रेष्ठको अध्यक्षतामा भएको लाखे सहितको सांस्कृतिक कार्यक्रममा सैनामैना नगरपालिका उपप्रमुख बिना राना, सैनामैना नगरपालिकाका प्रमुख प्रशासकीय अधिकृत जीवन ज्ञवाली, सैनामैना नगरपालिका वडा नं. १० का वडा अध्यक्ष कृष्णप्रसाद घिमिरे लगायतको उपस्थिति रहेको थियो । कार्यक्रममा मन्तब्य राख्ने अतिथिहरुले नेपालकै पुरानो संस्कृति बोकेको नेवा संस्कृति संरक्षणमा नेवा देय दबुले पु¥याएको योगदान महत्वपूर्ण रहेको चर्चा गर्नुभएको थियो ।
नेवा देय दबु सैनामैनाका सहसचिव हेमन्त श्रेष्ठको संचालनमा भएको कार्यक्रममा स्वागत उपाध्यक्ष मीना श्रेष्ठले गर्नुभएको थियो । लाखे नाच लगायतका नेवा सांस्कृतिक कार्यक्रम हेर्न ठूलो संख्यामा दर्शकको उपस्थिति रहेको थियो ।