रुपन्देहीका सामाजिक अभियन्ताहरुले रुपन्देहीको गैडहवा गाउँपालिका ९ लखनौती गाउँको मुसहर बस्तीमा बुधबार एक कार्यक्रमबीच झल बितरण गरेका छन ।
रुपन्देही सामाजिक अभियन्ता टिमले दुर्गम र ग्रामिण बस्तमा विभिन्न सेवा सुविधाबाट बञ्चित भएकाहरुलाई सामाजिक सेवा अन्तरर्गत विगतमा झुल बितरण, विद्यार्थीलाई ड्रेस, कापी किताब लगायत शैक्षिक सामाग्री वितरण गर्दै आएको छ ।
बुधबार भएको झुल वितरण कार्यक्रमको संयोजन समाजसेवी मुकेश थापाको संयोजनमा भएको थियो ।
रुपन्देही सामाजिक अभियन्ताका संयोजक डोलराज भण्डारीले जनचेतना कार्यक्रम अन्तरगत गैडहवाको मुसहर बस्तीमा झुल बितरण गरेको बताउनुभयो । उहाँले अहिले सर्प र लामखुट्टेको जोखिम समेत रहेकोले सुत्दा रातीमा झुल प्रयोग गर्नुपर्छ भन्ने चेतना फैलाउन पनि झुल बितरण गरेको बताउनुभयो । त्यसैगरी कार्यक्रमको संयोजन गर्नुभएका समाजसेवी मुकेश थापाले विपन्न बस्तीमा झुल वितरण गरेपछि यहाँका बासिन्दा केही हदसम्म सुरक्षित हुने अपेक्षा गरिएको बताउनुभयो ।
झुल बितरण कार्यक्रममा सामाजिक अभियन्ता पत्रकार बिजय सुनार, विष्णु रायमाझी, स्थानीय समाजसेवी सोमै मुसहर लगायतको सहभागीता रहेको थियो ।