सैनामैनामा रहेर कुखुरा पालन ब्यवसाय गदै आएका किसानहरुलाई प्राबिधिक ज्ञान दिने उद्येश्यले सैनामैना वडा नंं ११ मा १ दिने अभिमुखिकरण कार्यक्रम साझा टेलिभिजनको सभाहलमा सम्पन्न भएको छ ।

परम्परागत रुपमा कुखुरा पालन गर्दै आएका किसानहरुको कुखुरा पालनमा ज्ञान अभिबृद्धि गर्ने उद्येश्यले कार्यक्रम आयोजना गरिएको आयोजक न्यू होप एग्रो बिजनेश नेपाल प्रा.लि.को आधिकारिक बिक्रेता तथा पाणिनी पोल्टी सप्लार्यस सैनामैना १० का सञ्चालक मुक्तिराम घिमिरेले बताउनु भयो ।

यस किसिमका कार्यक्रमले किसानहरुलाई पोत्साहन मिल्ने भन्दै स्थानिय सरकारले पनि किसानहरुले प्रत्यक्ष लाभ लिने खालका तालिम सञ्चालन गर्नुपर्ने कार्यक्रममा सहभागि कुखुरा पालक किसानहरुको भनाई रहेको छ ।

न्यू होप एग्रो बिजनेश नेपाल प्रा.लि.को प्राबिधिक सहयोगमा सञ्चालन भएको कार्यक्रममा चल्ला ब्यवस्थापन, जैविक सुरक्षा, दाना खपत अनुसारको बृद्धि बिकास लगायतमा डा. केशव लम्साल र डा. शौरभ कंडेलले प्रशिक्षण दिनुभएको थियो ।
पाणिनी पोल्टी सप्लार्यस सैनामैना १० का सञ्चालक चुरामणि भुषालको सञ्चालनमा भएको कार्यक्रममा सैनामैनाका ४० जना किसानहरुको सहभागिता रहेको थियो ।