डि यन के खनाल
अर्घाखाँची जिल्लाको छत्रदेव गाउँपालिका वार्ड नम्बर ४ फसिन्डाँडा निवासी ७९ वर्षिया धनकला पाण्डेको आगलागीमा परि क्षतिग्रस्त भएको घर पुनर्निर्माण भएको छ ।
केही महिना अगाडि आगलागी भई घर पूर्णरुपमा क्षति भएपछि सामाजिक अभियान्ताहरु नारायणप्रसाद खनाल, पशुपति पाण्डे,कमल पोख्रेल,रामु खनाल र अमित पाण्डेको सक्रियतामा पुनर्निर्माण भएको हो ।
सो क्रममा जम्मा ४ लाख सतासी हजार तिह्रतर रुपैया आर्थिक सहयोग संकलन भएकोमा ३ लाख तिरानब्बे हजार दुई सय चवालिस रुपैया घर बनाउन खर्च भएको थियो ।
७९ बर्षीया धनकला पाण्डेलाई घर पुनर्निर्माण गरेर बचेको तिरानब्बे हजार छ सय ७४ रुपैयाको चेक र नयाँ घर गाउँपालिका अध्यक्ष चन्द्रमान श्रेष्ठ,उपाध्यक्ष मनि पन्थी र वार्ड अध्यक्ष भिमलाल खनालको उपस्थितिमा हस्तान्तरण गरिएको छ।
उक्त कार्यक्रममा गाउँपालिका अध्यक्ष चन्द्रमान श्रेष्ठ, उपाध्यक्ष मनि पन्थी, सामाजिक अभियन्ता पशुपति पाण्डे, स्वास्थ्यकर्मी रुपलाल पन्थीले यो अभियानको लागि सहयोग गर्ने सम्पूर्ण सहयोगी मनहरुलाई धन्यवाद ज्ञापन गर्नुभएको थियो। कार्यक्रम वार्ड अध्यक्ष भिमलाल खनालको अध्यक्षता र संचालन सामाजिक अभियन्ता नारायणप्रसाद खनालले गर्नुभएको थियो ।