लमजुङ जिल्लामा सम्पन्न प्रथम मेयर कप खुल्ला राष्ट्रिय तेक्वान्दो प्रतियोगितामा रुपन्देही जिल्लाले दोश्रो स्थान प्राप्त गर्न सफल भएको छ ।
प्रतियोगितामा काठमाडौं प्रथम हुन सफल भएको थियो भने मकवानपुरे टोली तेस्रो भएको छ भने चन्द्रागिरी टोली चौथो भएको थियो ।

लमजुङ जिल्लाको भोर्लेटारमा आयोजना भएको राष्ट्रिय प्रतियोगितामा १९ टीमबाट ४ सय ३४ जना खेलाडीको सहभागीता रहेको थियो   प्रतियोगितामा सहभागी राष्ट्रिय तेक्वान्दो संघको रुपन्देही जिल्ला टिम कोच लोकेन्द्रबहादुर पुनले प्रतियोगितामा १९ टिमको सहभागीता रहेकोमा रुपन्देही दोश्रो हुन सफल भएको बताउनु भयो ।

उहाँले स्थानीय तहको साथ र सहयोग मिल्यो भने स्वदेशमा मात्रै नभै विदेशमा पनि प्रथम स्थान हासिल गर्न सकिने बताउनुभयो । राष्ट्रिय तेक्वान्दो संघ गण्डकी प्रदेश अध्यक्ष खड्गबहादुर गुरुङ र सचिव तेज कुँवरको प्रतियोगिता आयोजनामा विशेष सहयोग रहेको थियो ।

उक्त प्रतियोगितामा रुपन्देहीबाट खेलाडीसहित टिमकोच, टिम म्यानेजर सिर्जना बुढाथोकी, रेफ्री र खेलाडी गरि ५२ जनाको सहभागिता रहेको थियो ।