बाँके
। संविधानसभा सदस्य अब्दुल हमिद सिद्दिकी भोला को निधन भएको छ । नेपाली कांग्रेस बाँकेका पुराना नेता भोलाको ६० वर्षको उमेरमा आइतबार राति निधन भएको छ ।

छातीमा समस्या भएपछि उहाँ आइतबार राति शिक्षण अस्पताल नेपालगन्जमा भर्ना गरिएको थियो । उहाँको उपचारकै क्रममा आइतबार राति नै निधन भएको उहाँका छिमेकी समाजसेवी मोहम्मद हारूनले जानकारी दिनुभयो ।

नेपालगन्ज उपमहानगरपालिका ४ स्थायी घर भएका भोला २०७० सालको संविधान सभा निर्वाचनमा समानुपातिकतर्फबाट निर्वाचित हुनुभएको थियो । उहाँको मङ्गलबार दिउँसो नेपालगन्जमा मुस्लिम परम्परा अनुसार अन्त्येष्टि गरिने भएको छ ।