बाँके  । लुम्बिनी प्रदेशका मुख्यमन्त्री चेतनारायण आचार्यले नेपाली समाजमा रहेको बहुजातिय र बहुभाषिक अवस्थाले सामाजिक सद्भाव बढाउन मद्दत गरेको बताउनुभएको छ ।

बर्दियाको बासगढि नगरपालिका ५ लक्ष्मणपुरस्थित थारु संस्कृतिक केन्द्रको नवनिर्मित भवनको मङ्गलबार समुदघाटन गर्नुहुँदै मुख्यमन्त्री आचार्यले थारु समुदाय संस्कृतिको धनी रहेको बताउदै प्रदेश सरकारले आवश्यक सहयोग गर्नुभयो ।

सीमान्तकृत समुदायलाई सरकारी सेवामा आरक्षणसहितको ब्यवस्था कानुनमा गरिएको जानकारी दिनुभयो । सीमान्तकृत र पिछडिएको क्षेत्र सरकारको प्राथमिकतामा रहेको भन्दै सुकुम्बासी र भुमिहिन समस्या समाधान गरिने बताउनुभयो ।

प्राचीन थारु सृजनशिल आदिबासी समाज बर्दियाका कार्यकारी निर्देशक एकराज चौधरीले गुर्बाबा एफएममार्फत आदिवासी थारु,जनजाती सहित सबै समुदायको हक अधिकारको पक्षमा काम गरिरहेको बताउनुभयो ।

जग्गा दाता टीकाराम पौडेलले डेढ कठ्ठा जग्गा र डेनमार्कका फ्लेमिङ टपसोयले ५५ लाख,समाजको २६ लाख, लुम्बिनी प्रदेश सरकारको २० लाख र बासगढि नगरपालिकाको १५ लाख गरि एक करोड १६ लाख रुपियाँको लागतमा भवन निर्माण भएको हो ।