रुपन्देहीको सैनामैनामा रहेको मुर्गिया खानेपानी उपभोक्ता तथा सरसफाई संस्थाको २० औं बार्षिक साधारण सभा शुक्रबार सम्पन्न भएको छ ।
साधारण सभाको उदघाटन गर्दै समारोहका प्रमुख अतिथि सैनामैना नगरपालिकाका प्रमुख फणेन्द्रप्रसाद शर्माले मुर्गिया खानेपानी उपभोक्ता तथा सरसफाई संस्थाले स्वच्छ खानेपानी उपलब्ध गराएर उपभोक्ताको मन जितेको बताउनुभयो । उहाँले आगामी दिनमा उपभोक्ताको

हितलाई ध्यानमा खानेपानीको योजना बनाउन समेत आग्रह गर्नुभयो । कार्यक्रममा सैनामैना नगरपालिकाका प्रथम नगर प्रमुख चित्रबहादुर कार्की, खानेपानी तथा सरसफाई कार्यालय रुपन्देहीका प्रमुख राजकुमार चौधरी लगायत सैनामैनाका राजनैतिक दल, नागरिक समाज, संघ संस्थाका प्रतिनिधिहरुले बोल्दै नेपाल सरकारले नै खानेपानी आधारभूत आवश्यकताको रुपमा संविधानमा नै उल्लेख गरेकोले उपभोक्तालाई सर्वसलुभ रुपमा स्वच्छ खानेपानीको सेवा दिन संस्थासंग आग्रह गर्नुभएको थियो ।

संस्थाका उपाध्यक्ष देबिदत्त सुवेदी ज्युको स्वागत मन्तब्य र सचिब भीम खड्काको संचालनमा कार्यक्रम सम्पन्न भएको थियो ।

संस्थाका अध्यक्ष प्रेमबहादुर खडकाले बार्षिक प्रतिवेदन प्रस्तुत गर्दै स्वच्छ खानेपानी बितरणलाई प्रभावकारी बनाउन प्रत्येक महिना ओभरहेड टंकी सफा गर्ने र प्रत्येक दिन खानेपानी शुद्धिकरणका लागि क्लोरिफिकेशन गर्ने गरिएको बताउनुभयो । उहाँले आर्थिक अवस्था कमजोर भएका उपभोक्तालाई टोल विकास संस्था र वडा कार्यालयको सिफारिसका आधारमा निशुल्क धारा जडान समेत गर्ने गरिएको बताउनु भयो ।

संस्थाका अध्यक्ष प्रेम ब. बानियाको अध्यक्षयतामा भएको साधारण सभाकै अवसरमा मासिक सरसफाई तर्फ उत्कृष्ट काम गर्ने टोल बिकास संस्थाहरुलाई सम्मान एवं पुरस्कृत समेत गरिएको थियो ।