साना किसान कृषि सहकारी संस्था लिमिटेड पर्रोहाको २२ औं बार्षिक साधारण सभा शनिवार सम्पन्न भएको छ ।

साधारण सभाको उदघाटन गर्दै सैनामैना नगरपालिकाका प्रमुख फणेन्द्रप्रसाद शर्माले जनताले दुःख मेहनत गरेर थोरै थोरै बचत गरेको रकमले सहकारीलाई यहाँसम्म ल्याउन सफल भएको बताउनुभयो ।

उहाँले सहकारीले ऋण र ब्याजको कुरामात्रै नगरी कृषिमार्फत किसानको जीवनमा परिवर्तन गर्न सहयोग पु¥याएको उल्लेख गर्दै किसानले पालेका गाई भैसीलाई बिमामा जोडेर किसानको लगानीलाई सुरक्षित बनाउन महत्वपूर्ण सहयोग पु¥याएको बताउनुभयो ।

साना किसान कृषि सहकारी संस्था लिमिटेड पर्रोहा शाखाका अध्यक्ष परशुराम सापकोटाको अध्यक्षतामा भएको साधारण सभामा प्रदेश कृषि सहकारी संघ लिमिटेडका अध्यक्ष तथा साना किसान कृषि सहकारी संस्था सेमलारका अध्यक्ष गोपाल पौडेल, सैनामैना नगरपालिका वडा नंं ४ का वडा अध्यक्ष रामप्रसाद अधिकारी, प्रदेश कृषि सहकारी संघका सचिव चुडामणि भुसाल, साना किसान कृषि सहकारी संस्था लिमिटेड गजेडीका अध्यक्ष ओमप्रकाश शर्मा लगायतले शुभकामना मन्तब्य ब्यक्त गर्दै साना किसान कृषि सहकारीले बचतकर्तालाई समूहमा आबद्ध गरि आयआर्जनमार्फत उनीहरुको जीवनमा परिवर्तन गर्न सफल भएको बताउनुभएको थियो ।

कार्यक्रमको संचालन साना किसान कृषि सहकारी संस्था लिमिटेड पर्रोहा शाखाका प्रबन्धक दिनेश घिमिरेले गर्नुभएको थियो भने संस्थाका निवर्तमान अध्यक्ष नरेन्द्र पोखरेलले समेत संस्थाले लिएका किसानमैत्री नीतिको बिषयमा चर्चा गर्नुभएको थियो ।