रुपन्देहीको सैनामैना नगरपालिका ३ मुर्गियामा रहेको सुनखानी कृषि सहकारी संस्था लिमिटेडको सातौं बार्षिक साधारण सभा तथा तेश्रो अधिवेशन सम्पन्न भएको छ ।

त्यसअघि बुधबार दिउँसो साधारण सभाको उदघाटन गर्दै मुर्गिया खानेपानी उपभोक्ता तथा सरसफाई संस्थाका अध्यक्ष तथा सप्तऋषि बचत तथा ऋण सहकारी संस्थाका अध्यक्ष प्रेमबहादुर बानियाले सुनखानी सहकारीले स्थापनाको छोटो अवधीमै राम्रो काम गरेको बताउँदै आगामी दिनमापनि सहकारीले कृषि क्षेत्रलाई प्राथमिकता दिएर अघि बढ्न सुझाव दिनुभयो ।

सहकारीका अध्यक्ष अशोक खडकाको अध्यक्षता तथा सल्लाहकार कोषराज बस्नेतको स्वागतमा भएको कार्यक्रममा सैनामैना नगरपालिका सहकारी विभागका प्रमुख रामकुमार शर्मा, सहकारीका सल्लाहकार मित्रबहादुर एसी लगायतले बोल्दै कृषि क्षेत्रमा केही गर्न चाहने युवाहरुलाई उद्यममा जोडन आग्रह गर्नुभएको थियो ।

सहकारीको बुधबार नै भएको अधिवेशनले पुनः अशोक खडकाको अध्यक्षतामा निर्विरोध ७ सदस्यीय नयाँ समिति चयन गरेको छ । समितिको उपाध्यक्षमा मञ्जु घिमिरे, सचिवमा गंगाराम पौडेल, कोषाध्यक्षमा रुपा पाण्डे रहनु भएको छ । त्यसैगरी सदस्यहरुमा ललिता भट्टराई, लवविक्रम कार्की र अनिता पन्त रहनुभएको छ । त्यसैगरी लेखासमितिमा संयोजक अमरराज खरेल तथा सदस्यहरुमा गंगा लम्साल र बर्षा पन्थी रहनुभएको छ ।