सैनामैना नगरपालिका वडा नं. ११ को बरौलीस्थित कञ्चन पुलबाट शनिबारदेखि माईक्रो सेवा शुभारम्भ भएको छ ।
सैनामैना नगरपालिका वडा नंं ११ का वडा अध्यक्ष रामप्रसाद भुसालले माईक्रो बस सेवाको शुभारम्भ गर्नुभयो । त्यस अवसरमा बोल्दै उहाँले धेरै पहिले नै गर्नुपर्ने काम अहिले भएको बताउँदै यसबाट स्थानीय जनतालाई ठूलो सुविधा पुग्ने बताउनुभयो ।
अवदेखि सैनामैनाको वडा नं. ११ का गाउँहरु ताली, भचना, उत्तर बरौली, दक्षिण बरौली लगायतको क्षेत्रका स्थानीयले माईक्रो बसमार्फत सेवा पाउने छन् ।
यातायातको साधन नहुँदा पहिला अटोरेक्सामा बसेर ओहोरदोहोर गर्न बाध्य स्थानीयले अव माईक्रो बस सेवामार्फत सुविधा पाउनेछन ।
सेवा शुभारम्भ कार्यक्रममा पश्चिम नेपाल बस प्रालिका प्रतिनिधि डोरनाथ ढकालको समेत उपस्थिति रहेको थियो ।
सैनामैना ११ नम्बर वडा र पश्चिम वस प्रालिको समन्वयमा भाडा दर कायम गरिएको छ ।