बुटवल ११ देवीनगरमा रहेको नविन औद्योगिक कद्दरबहादुर रिता माध्यमिक विद्यालयले विहिबार नगरस्तरीय हाजिरीजवाफ प्रतियोगिता आयोजना गरेको छ ।
प्रतियोगितामा बुटवलका सामुदायिक र संस्थागत गरि १७ वटा विद्यालयको सहभागिता रहेको थियो ।

प्रतियोगितामा प्रथम गार्गी एकेडेमी बुटवल, दोश्रो कान्ति माध्यमिक विद्यालय र तृतीय न्यू होराईजन इङलिश बोर्डिङ स्कुल भएको छ ।

बिजयी सहभागी विद्यालयलाई बुटवल उपमहानगरपालिकाका शिक्षा शाखा प्रमुख टिकाराम पन्थी र विद्यालयका सहप्रधानाध्यापक रोमनाथ घिमिरेले नगद पुरस्कार, प्रमाणपत्र र मेडल प्रदान गर्नुभएको थियो ।

हाजिरीजवाफ प्रतियोगितामा प्रमुख अतिथि बुटवल उपमहानगरपालिका उपप्रमुख सावित्रादेवी अर्याल हुनुहुन्थ्यो ।

हाजिरीजवाफ प्रतियोगिताको अध्यक्षता विद्यालयका सहायक प्रधानाध्यापक रोमनाथ घिमिरेले गर्नुभएको थियो भने कार्यक्रम संयोजक क्वीज मास्टर अर्जुन चापागाई हुनुहुन्थ्यो । त्यसैगरी स्वागत मन्तब्य शिक्षक लक्ष्मण भुसालले गर्नुभएको कार्यक्रमको संचालन शिक्षक केशवराज पन्थले गर्नुभएको थियो ।