सैनामैना नगरपालिकाको आयोजनामा न्यायिक समिति र मेलमिलापकर्ताहरुका लागि पुनर्ताजगी तालिम शुक्रबारदेखि सुरु भएको छ ।

सैनामैना नगरपालिकाका प्रमुख फणेन्द्रप्रसाद शर्माको आतिथ्यतामा भएको तालिम शुभारम्भका अवसरमा तालिममा नगरस्तरीय र वडास्तरीय मेलमिलापकर्ताहरुको सहभागिता रहेको छ । जस अनुसार वडा नं. ६ देखि ११ सम्म शुक्रबार र शनिवार तालिम हुनेछ भने वडा नंं १ देखि ५ सम्म आईतबार र सोमबार हुनेछ ।

सैनामैना नगरपालिका उपप्रमुख बिना रानाको सभापतित्वमा भएको तालिम शुभारम्भका अवसरमा स्वागत सैनामैना नगरपालिका न्यायिक समितिका सदस्य नारायण न्यौपानेले गर्नुभएको थियो । कार्यक्रमको संचालन सैनामैना नगरपालिका वडा नं. ४ का वडा अध्यक्ष रामप्रसाद अधिकारीले गर्नुभएको थियो । तालिमको सहजीकरण सेलर्ड कानुनी सचेतना केन्द्रका अध्यक्ष सिताराम अधिकारीले गर्नुभएको छ ।