सैनामैना, १० फागुन ।

रेडियो मलमलाको १२ औं साधारण सभा तथा विशेष अधिवेशन सैनामैना २ स्थित आफ्नै भवनमा सम्पन्न भएको छ । रेडियोका अध्यक्ष कृष्णबहादुर कुँवरको अध्यक्षतामा भएको कार्यक्रममा बोल्ने संचालकहरुले नयाँ ढंगबाट रेडियो संचालन गर्ने धारणा ब्यक्त गरेका छन ।

कार्यक्रमका प्रमुख अतिथी चित्रबहादुर कार्कीले सैनामैनाकै सवैभन्दा पुरानो रेडियोले नगरको विकासमा महत्वपूर्ण भूमिका खेलेको बताउँदै आगामी दिनमा पनि रेडियोको कमी कमजोरीलाई सुधार गर्दै अझै सुदृढ बनाउनु पर्ने बताउनुभयो ।

कार्यक्रममा अध्यक्ष कुँवरले बार्षिक प्रतिवेदन प्रस्तुत गर्नुभएको थियो भने पूर्व अध्यक्ष मिनप्रसाद पौडेलले पनि रेडियोलाई सशक्त रुपमा अघि बढाउनुपर्नेमा जोड दिनुभएको थियो ।
रेडियोका लेखा संयोजकले लेखा प्रतिवेदन प्रस्तुत गर्दै रेडियोको प्रशासनिक खर्च घाटामा नरहेको बताउनुभएको थियो ।
सो अवसरमा रेडियोका संचालक जगन्नाथ गौतम, मोती राना लगायतले बोल्नुभएको थियो ।