नबिन घिमिरे
सैनामैना २७, फागुन

सैनामैनामा जारी सुनगाभा सैनामैना गोल्डकपको फागुन २८ गते अर्थात भोली भब्य कार्यक्रमका बिच समापन हुदैछ ।

प्रतियोगिताको समापन सत्रमा पूर्वप्रधानमन्त्री तथा नेकपा माओवादी केन्द्रका अध्यक्ष पुष्पकमल दहाल प्रचण्डको प्रमुख आतिथ्यता रहने आयोजकले जनाएको छ । साथै उक्त दिन नेपाल आईडल शिजन २ का विजेता रवि ओड सहित द्रोपदी चलचित्रका कलाकारहरुको टोलीको उपस्थिती रहने मुर्गिया फुटबल क्लबले जानकारी दिएको छ । समापन सत्र बुधबार दिउँसो १ बजेबाट सुरु हुनेछ ।

मुर्गिया फुटबल क्लब सैनामैना–४, मुर्गियाको आयोजना तथा सैनामैना नगरपालिका, रुपन्देहीको संरक्षकत्वमा जारी प्रतियोगिताको विजेताले उपाधिसहित नगद ७ लाख हात पार्ने छ भने उपविजेताले ४ लाख प्राप्त गर्ने छ । फागुन १९ गते देखि सञ्चालन भएको सुनगाभा सैनामैना गोल्डकप पहिलो सस्करणको फाइनल खेल यही फागुन २८ गते बुधबार हुने छ ।