स्वावलम्बन लघुवित्त वित्तिय संस्था सालझण्डी रुपन्देहीले सामाजिक उत्तरदायित्व कार्यक्रम अन्तरगत सिद्धबाबा जेष्ठ नागरिक आमा समूहलाई साउण्ड सिस्टम वितरण गरेको छ ।

सैनामैना ११ बनकट्टीमा रहेको सिद्धबाबा मन्दिरमा विहिवार आयोजित एक समारोहका बीच स्वावलम्बन लघुबित्त वित्तिय संस्थाले उक्त साउण्ड सिस्टम हस्तान्तरण गरेको हो ।

सिद्धबाबा जेष्ठ नागरिक आमा समूहकी अध्यक्ष कविता जिसीको अध्यक्षतामा भएको कार्यक्रममा प्रमु्ख अतिथि सैनामैना नगरपालिका वडा नंं ११ का वडा अध्यक्ष रामप्रसाद भुसालले स्वावलम्बन लघुवित्त वित्तिय संस्थाले सिद्धबाबा जेष्ठ नागरिक आमा समूहलाई साउण्ड सिस्टम हस्तान्तरण गरेकोमा धन्यबाद दिदै आगामी दिनमा पनि रचनात्मक कार्य गर्न सुझाव दिनुभयो । उहाँले सिद्धवावा जेष्ठ नागरिक आमा समूहलाई कुनैपनि कार्यक्रम गर्न साउण्ड सिस्टमले सहयोग पुग्ने विश्वास ब्यक्त गर्नुभयो ।

स्वावलम्बन लघुवित्त वित्तिय संस्था सालझण्डीका प्रमुख सुमन खत्रीले १४ हजारको लगानीमा खरिद गरिएको साउण्ड सिस्टम सिद्धबाबा जेष्ठ नागरिक आमा समूहलाई प्रदान गरिएको बताउनुभयो । उहाँले यसभन्दा अघिपनि सामाजिक उत्तरदायित्व कार्यक्रम अन्तरगत दुधराक्षको कालमोचन शिवालय मन्दिरमा पनि जनचेतनामूलक कार्यक्रम गरेको बताउनुभयो । समारोहमा समाजसेवी नरेन्द्र रोकायाले पनि सामाजिक उत्तरदायित्व अन्तरगत वितरण गरिएको साउण्ड सिस्टमले सिद्धबाबा जेष्ठ नागरिक आमा समूहलाई कार्यक्रम गर्न सहयोग पुग्ने विश्वास ब्यक्त गर्नुभयो ।