नेपाल पत्रकार महासंघ लुम्बिनी प्रदेशको आयोजनामा विहिवारदेखि बुटवलमा पत्रकारहरुको क्षमता विकासका लागि डिजिटल पत्रकारिता तालीम सुरु भएको छ ।
दुई दिनसम्म चल्ने तालिममा ६० बढी पत्रकारहरुको सहभागिता रहेको छ ।

तालिम शुभारम्भका अवसरमा बोल्ने बक्ताहरुले पत्रकारहरुको क्षमता विकासका लागि यस प्रकारका तालिम सहयोगी सावित हुने बताउनु भयो । पछिल्लोसमय सूचना प्रविधिको नयाँ नयाँ प्रयोगको बिषयमा पत्रकारहरुलाई जानकारी दिनपनि यो तालिमले सहयोग पु¥याउने बताउनु भएको छ । दुई दिने तालिमबाट पत्रकारिता क्षेत्रमा कृयाशील सञ्चारकर्मीहरुलाई डिजिटल पत्रकारिताको बिषयमा नयाँ नयाँ बिषय सिक्ने अवसर समेत हुने भएकोले यो तालिम फलदायी हुने विश्वास गरिएको छ ।

तालिम शुभारम्भका अवसरमा वरिष्ठ पत्रकार डाक्टर बालकृष्ण चापागाई, नोपाल पत्रकार महासंघका केन्द्रिय सदस्य रामराज पोखरेल, नेपाल पत्रकार महासंघ रुपन्देहीका अध्यक्ष दिनेश पाण्डे, प्रेस काउन्सिल लुम्बिनीका अध्यक्ष मिलन गाहा लगायतले बोल्दै तालिम पत्रकारहरुको क्षमता विकासमा महत्वपूर्ण सहयोगी हुने वताउनु भयो ।

नेपाल पत्रकार महासंघ लुम्बिनी प्रदेशका अध्यक्ष शुक्रऋषि चौलागाईको अध्यक्षतामा भएको तालिम लुम्बिनी प्रदेश आन्तरिक मामिला तथा कानुन मन्त्रालयको सहयोगमा भएको हो ।
तालिममा वरिष्ठ पत्रकार उज्वल आचार्यले प्रशिक्षण तथा सहजीकरण गर्नुभएको छ