रुपन्देहीको सैनामैना नगरपालिका १० मा रहेको सालझण्डी दुग्ध उत्पादक सहकारी संस्था लिमिटेडले किसानहरुका लागि घाँसको बिउ बितरण गरेको छ ।

त्यस अवसरमा बोल्दै सहकारीका अध्यक्ष तिलकराम घिमिरेले माग अनुसार दुग्ध उत्पादन गर्ने किसानको आवश्यकतालाई मध्यनजर गरि निशुल्क रुपमा सुडान र बादरा पियोसेन्टी लगायतका घाँसका बिउ बितरण गरेको बताउनुभयो ।

सहकारीले आगामी दिनमा कृषकहरुको लागत मूल्य न्यूनिकरण गर्नको लागि विभिन्न खालको कार्यक्रम अघि सारेको छ । सहकारीले साधारण सभाको निर्णय अनुसार घाँसको बिउँ निशुल्क वितरण गरेको हो । सहकारीले दुध उत्पादक किसानहरुका लागि विभिन्न खाले सहुलियतका कार्यक्रम ल्याउँदै आएको छ । पछिल्लोपटक घाँसको बीउ बितरण गरिएको हो ।