सैनामैना, २४ जेठ – रुपन्देही जिल्लाको सैनामैना नगरपालिका–१ मा अवस्थित पर्रोहा परमेश्वर शिव ज्योतिर्लिङ्ग बोलबम धामको नयाँ कार्यसमिति गठन गरिएको छ। धामको आठौं अधिवेशन जेठ १७ गते सम्पन्न भएको हो, जसअनुसार नयाँ कार्यसमितिको अध्यक्षमा चित्रबहादुर कार्की सर्वसम्मत रूपमा चयन हुनुभएको छ।

नव-निर्वाचित अध्यक्ष कार्की सैनामैना नगरपालिकाका प्रथम नगरप्रमुख समेत हुनुहुन्छ। निर्वाचन समितिका संयोजक खुसीराम चौधरीका अनुसार, १६ सदस्यीय कार्यसमिति पूर्णतः सर्वसम्मत रूपमा चयन गरिएको हो।

कार्यसमितिमा उपाध्यक्ष दुलबहादुर थारु, सरस्वती पन्थी, रामनाथ हरिजन, महासचिवमा गोपाल आचार्य, सचिवमा रमाकान्त काफ्ले र कोषाध्यक्षमा छवि पन्थ हुनुहुन्छ ।

त्यस्तै, सदस्यहरूमा विष्णु बस्नेत, शारदा चालिसे, मार्कण्ड शर्मा, रामबृक्ष मुराव, श्याम प्रसाद, गोविन्दप्रसाद पाण्डे, लक्ष्मीप्रसाद शर्मा, बिष्णु पौडेल र लक्ष्मी वाग्ले चयन भएका छन्।

धार्मिक तथा सांस्कृतिक महत्व बोकेको पर्रोहा बोलबम धामको विकास, संरक्षण तथा प्रचारप्रसारमा नयाँ कार्यसमितिले सक्रिय भूमिका खेल्ने विश्वास गरिएको छ।