सैनामैना नगरपालिका वडा नंं ४ मुर्गियामा राष्ट्रिय बाणिज्य बैंकको शाखा कार्यालयको सेवा शुभारम्भ भएको छ ।
बैंकको सैनामैनामा विगतदेखि नै सेवा कार्यालय रहेकोमा यही जेठ २२ गतेदेखि नेपाल सरकारको पूर्ण स्वामित्व भएको बैंकको शाखा कार्यालयको रुपमा सेवा शुभारम्भ भएको हो ।

सेवा शुभारम्भ संगसंगै सैनामैना क्षेत्रमा सरकारी कामकाजका लागि सेवा सहज हुने भएको छ । त्यसैगरी सेवा निवृत्त कर्मचारीहरुलाई समेत बैंकबाट पेन्सन लिन सहज हुने भएको छ । राष्ट्रिय बाणिज्य बैंकको कार्यालय नहुँदा विगतमा सैनामैनाबाट बुटवल जानुपर्ने बाध्यता रहेको थियो ।

पछिल्लोसमय सैनामैना नगरपालिका बैंकिङ हब बन्दै गएको छ । नगर क्षेत्रमा सरकारी बैंकदेखि नीजि बैंकहरुको संख्या दर्जन बढी पुगेको छ भने त्यत्तिकै संख्यामा सहकारी संस्थाहरु समेत स्थापना भई सेवा दिईरहेका छन ।
बैंकका मुर्गिया शाखा प्रमुख रोमनाथ न्यौपानेले औपचारीक उदघाटन पछि गर्नेगरी सेवा शुभारम्भ भएको जानकारी दिदै सेवा लिन सवै सेवाग्राहीसंग आग्रह गर्नुभयो ।