अविरल वर्षासँगै आएको भेलले गुल्मीको डहरे खोलाले मंगलबार विहान कार बगाएको छ । सत्यवती गाउँपालिका वडा नम्बर–६ उर्लीखोला स्थित डहरेखोलामा शान्तिपुरबाट बुटवलतर्फ जाँदै गरेको बीएए ००१७ नम्बरको कार बगाएको प्रहरीले जनाएको छ ।
मंगलबार बिहान ११ः४५ बजेको समयमा डहरे खोलाले बगाएर कार ५० मिटर तल पु¥याएको थियो । स्थानीय र ट्याक्टरको सहायताले कार खोलाबाट बाहिर निकालिएको जिल्ला प्रहरी कार्यालय गुल्मीले जनाएको छ ।

खोलाले बगाउँदा कारमा क्षति पुगे पनि मानविय क्षति भने नभएको गुल्मीका प्रहरी नायब उपरीक्षक गंगाबहादुर सारुले बताए । कार पत्रकार घनश्याम गौतमको रहेको र उहाँले नै चलाएको र उहाँ सकुशल रहनुभएको छ ।
बर्षातले डहरे खोलामा पानीको बहाव बढेकोले सडक अवरुद्ध हुँदै आएको थियो । डहरे खोला हुँदै वामिटक्सार र छिमेकी जिल्ला बाग्लुङबाट बुटवल छुटने सावरी साधनहरू वर्षातको समयमा खोला बढ्दा बाटोमै घण्टौं कुरेर यात्रा गर्नुपर्ने बाध्यता छ ।