बिश्वकर्मा समाज नेपाल युएईले बृहत् तिज कार्यक्रम सम्पन्न गरेको छ ।
हिन्दु नारीको महान पर्ब हरितालिका तिजको अवसर पारेर बिश्वकर्मा समाज नेपाल युएई र दुबइ क्षेत्रीय समितिको आयोजनामा तिज कार्यक्रम भएको हो !
आपसी भाइचारा स्थापित गर्दै सामुहिक भातृत्व कायम राख्न र नेपाली मौलिक संस्कृतिको भूमिका परदेशमा प्रबद्र्धन गर्ने उद्देश्यले तीज कार्यक्रम गरिएको आयोजकले जनाएको छ ।
संस्थाका दुबई क्षेत्रीय समितिका अध्यक्ष हुमराज बिकको अध्यक्षता एबं नेपाली राजदुतावास आबुधाबीका प्रथम सचिब तिलबहादुर सुनारको प्रमुख आतिथ्यतामा तीज गीत कार्यक्रम भएको हो ।
वर दुबइ स्थित बोसी क्लब होटल अस्टोरियामा भएको सो कार्यक्रममा नेपालबाट आमन्त्रित चर्चित लोकगायिका टीका शानुले सहभागी दर्शकहरूलाई मनोरञ्जन दिलाएकी थिइन् । नयाँ तथा पुराना तिज भाकाहरू सहित गायिका टीका शानुले प्रस्तुति दिएपछि, सहभागी चेलिबेटीहरू खुसी देखिएका थिए ।
तिज पर्व महिलाहरूको बिशेष चाड भएकोले पनि कार्यक्रममा परदेशमा रहेका महिला चेलीबेटीको बाक्लो उपस्थिति थियो ।
प्रतिक्रिया
सम्बन्धित खवर
