लुम्बिनी सांस्कृतिक नगरपालिकाका प्रमुख सजरुद्दीन मुसलमान र प्रमुख प्रशासकीय अधिकृत तारा ज्ञवालीबीच कार्य सम्पादन करार सम्झौता भएको छ ।

त्यसैगरी प्रमुख प्रशासकीय अधिकृत तारा ज्ञवाली र पालिकाका शाखा अधिकृतहरुबीच पनि कार्यसम्पादन करार सम्झौता भएको छ ।
प्रमुख प्रशासकीय अधिकृत तारा ज्ञवालीले नगर प्रमुख सजरुद्दीन मुसलमानसंग कार्यसम्पादन सम्झौता गर्नुभएको हो भने नगरपालिकाका विभिन्न शाखाका प्रमुखहरुले प्रमुख प्रशासकीय अधिृकत तारा ज्ञवालीसंग कार्यसम्पादन सम्झौता गर्नुभएको हो ।

पालिकामा नतिजामुखी कार्यसम्पादन होस भन्ने उद्देश्यले प्रमुख प्रशासकीय अधिकृतले नगर प्रमुखसंग र शाखा प्रमुखहरुले प्रमुख प्रशासकीय अधिकृतसंग कार्यसम्पादन सम्झौता गर्नुभएको हो ।

लुम्बिनी सांस्कृतिक नगरपालिकाको कार्यालयमा विहिवार आयोजित एक समारोहका बीच कार्य सम्झौता सम्पन्न भएको हो ।
कार्यक्रममा नगर प्रमुख मुसलमानले आफ्नो जिम्मेवारी र जवाफदेहितासहित काम कारवाहीलाई थप प्रभावकारी बनाउन कार्यसम्पादन सम्झौता गरिएको बताउनु भयो ।

सार्वजनिक पदाधिकारीको कार्य सम्पादन करार निर्देशिका २०७९ को बुँदा ५ मा सार्वजनिक सेवा प्रवाहको कामलाई प्रभावकारी बनाउन कार्यसम्पादन करार सम्झौता गर्ने र सम्झौताको अवधि एक आर्थिक वर्षको हुन्छ भन्ने उल्लेख छ ।