लुम्बिनी सांस्कृतिक नगरपालिकामा पहिलोपटक लुम्बिनी सांस्कृतिक चेम्बर अफ कमर्शको तदर्थ समिति गठन भएको छ । गएको साउन २७ गते लुम्बिनी सांस्कृतिक नगरका व्यवसायीहरुको भेलाले ११ सदस्यीय लुम्बिनी सांस्कृतिक चेम्बर अफ कमर्शको गठन गरेको हो ।
कृष्णबहादुर गुरुङको अध्यक्षतामा गठन भएको चेम्बरको तदर्थ समितिमा उपाध्यक्ष कासिम खान, महासचिवमा उपेन्द्र अधिकारी, सचिव संकल्पराज खनाल र कोषाध्यक्षमा मिरा सापकोटा खनाल रहनुभएको छ ।

त्यसैगरी चेम्बरको सदस्यहरुमा मुमताज आलम, चन्द्रमा उपाध्याय, अयोध्या यादव, बिजय गिरी, मोहम्मद रमजान र कमरे आलम रहनुभएको छ ।
कार्यक्रममा लुम्बिनी सांस्कृतिक नगरपालिकाका प्रमुख सजरद्दिन मुसलमान, उपप्रमुख कल्पना हरिजन प्रमुख प्रशासकीय अधिकृत तारा ज्ञवाली लगायतले बोल्दै लुम्बिनी क्षेत्रका व्यवसायीलाई एकताबद्ध गर्न यो समितिलाई सफलता मिलोस भन्ने शुभकामना दिनुभयो ।

तदर्थ समिति गठन कार्यक्रममा चेम्बर अफ कमर्शका लुम्बिनी प्रदेश अध्यक्ष टंकप्रसाद पोखरेल, पूर्व अध्यक्ष नारायणप्रसाद भण्डारी, चेम्बरका रुपन्देही अध्यक्ष दर्पण श्रेष्ठ लगायतले बोल्दै चेम्बरलाई उद्योगी व्यवसायीको साझा संस्थाको रुपमा विकास गर्ने र उद्यमी व्यवसायीका समस्या समाधान गर्ने थलोको रुपमा विकास गर्न सहयोग पु¥याउने उद्देश्यले समिति तदर्थ गठन गरिएको बताउनुभयो ।

लुम्बिनी साँस्कृतिक चेम्बर अफ कमर्स तदर्थ समिति गठन कार्यक्रमको अध्यक्षता तदर्थ समितिका अध्यक्ष कृष्णबहादुर गुरूङको अध्यक्षतामा भएको थियो भने तदर्थ समितिका महासचिव उपेन्द अधिकारीले कार्यक्रममा स्वागत गर्नुभएको थियो ।