रुपन्देहीको सैनामैनामा सामाजिक एकता कायम गर्ने उद्देश्यले सोमबार साँझ अमर शहिदहरुप्रति श्रद्धाञ्जली व्यक्त गर्दै शान्ति सदभाव ¥याली तथा दिप प्रज्वलन गरिएको छ ।

सैनामैना उद्योग बाणिज्य संघ र सैनामैना व्यापार संघको आयोजनामा भएको शान्ति सदभाव ¥यालीको सहआयोजकमा सैनामैनामा कृयाशील विभिन्न सामाजिक संघ संस्थाहरु रहेका थिए ।

सैनामैनाको कलौनीमा रहेको शहिद नारायण पोखरेल रामापुर क्याम्पसबाट सुरु भएको ¥याली कलौनीको बुद्धचोकमा आई समापन भएको थियो । शान्ति सदभाव ¥यालीमा सहभागीहरुले सामाजिक सदभाव कायम गरौं, शान्ति र सदभाव उज्वल नेपाल, सदभावले ब्यापार बढछ, विग्रहले ब्यापार घटछ, सदभावमा विकास, शान्तिमा प्रगति, एकता र सदभाव विना सम्मृद्धि संभव छैन, शान्ति र सुरक्षा कायम गर, विचार र

आस्थामा विविधता, समाजमा राखौं एकता भन्ने जस्ता प्लेकार्ड बोकेका थिए ।
सैनामैना उद्योग बाणिज्य संघका अध्यक्ष कृष्ण पोखरेलले सामाजिक सदभाव कायम राख्न शान्ति र सदभाव ¥याली आयोजना गरिएको बताउँदै शान्ति र सदभावले मात्रै सैनामैनाको भविष्य उज्वल हुने बताउनुभयो ।

त्यसैगरी सैनामैना व्यापार संघका अध्यक्ष सुरेन्द्र पौडेलले शान्ति र सदभाव कायम भएमात्रै सैनामैनाको विकासमा सहयोग पुग्ने भएकोले सवैलाई संयम अपनाउन आग्रह गर्नु भयो ।

सैनामैनामा कृयाशील विभिन्न सामाजिक संघ संस्थाका करिव एक सय बढी प्रतिनिधिहरुको सहभागिता रहेको कार्यक्रममा सामाजिक एकता र सदभावले मात्रै शान्ति स्थापना हुने भएकोले सामाजिक एकता र सदभाव बढाउन आग्रह गरिएको थियो ।