काठमान्डौ, २० असोज ।
शुक्रबार र शनिबारको अविरल वर्षापछि देशभरका विभिन्न स्थानमा गएको बाढी–पहिरो तथा सम्बन्धित दुर्घटनामा परी ज्यान गुमाउनेको संख्या ५२ पुगेको छ । सशस्त्र प्रहरी बलका अनुसार हालसम्म सात जना अझै बेपत्ता छन् ।
सशस्त्र प्रहरीका सह–प्रवक्ता डीएसपी शैलेन्द्र थापाका अनुसार कोशी प्रदेशमा मात्रै ४९ जनाको मृत्यु भएको छ । तीमध्ये ३७ जना इलामका रहेका छन् । त्यसैगरी पाँचथरमा आठ जना, उदयपुर र खोटाङमा दुई–दुई जनाको ज्यान गएको छ ।
त्यस बाहेक रौतहटमा तीन जना र काभ्रेमा एक जनाको मृत्यु भएको प्रहरीले जनाएको छ ।
सशस्त्र प्रहरीका अनुसार बाढी–पहिरोका कारण रसुवामा चार जना, बारामा एक जना, इलाममा एक जना र काठमाडौँमा एक जना बेपत्ता छन् ।
प्रतिक्रिया
सम्बन्धित खवर
