सैनामैना नगरपालिकाको आयोजनामा विपद जोखिम न्यूनिकरण तथा पूर्व सूचना प्रणाली सम्वन्धि अभिमुखीकरण कार्यक्रम सम्पन्न भएको छ ।
सैनामैना नगरपालिकाका वडा सचिव, पत्रकार र नगर प्रहरीका लागि आयोजना गरिएको अभिमुखीकरणमा बोल्दै सैनामैना नगरपालिकाका प्रमुख फणेन्द्रप्रसाद शर्माले सैनामैनामा बिपद न्यूनीकरणका कार्यक्रम गर्दै आएको बताउँदै प्राकृतिक विपदजन्य बाढी पहिरो, भुकम्प, आगलागी लगायतका घटना न्यूनीकरण गर्नका लागि सूचना सम्प्रेषण कसरी गर्दा अझै बढी प्रभावकारी हुन सक्छ भन्ने विषयमा संचारकर्मीहरुसंग छलफल गरिएको बताउनुभयो । उहाँले सैनामैनामा विपद सूचना प्रणालीलाई छिटो छरितोरुपमा जनस्तरसम्म पु¥याउन साईरन समेत जडान गरिएको र केही स्थानमा जडान गर्ने काम भैरहेको जानकारी दिनुभयो ।

कार्यक्रममा सशस्त्र प्रहरीका प्रहरी निरिक्षक अग्नी खरेल, नेपाल रेडक्रस सुपर परियोजनाका रुपन्देही जिल्ला अधिकृत कृष्ण मल्ल तथा पूर्व तयारी तथा आपतकालीन प्रतिकार्य प्रवद्र्धन परियोजना अधिकृत डिल्लीराज जोशीले अभिमुखीकरणको सहजीकरण गर्नुभएको थियो ।
त्यसैगरी सैनामैना नगरपालिकाको मुर्गिायाको पर्रोहा माध्यमिक बिद्यालयको खेल मैदानमा विहिवार पालिकास्तरीय कृत्रिम घटना अभ्यास कार्यक्रम आयोजना हुँदैछ । उक्त अभ्यासको पूर्व सन्ध्यामा बुधबार नगर बिपत ब्यबस्थापन समितिलाई अभिमुखिकरण कार्यक्रम सम्पन्न भएको छ । सो अभिमुखिकरण कार्यक्रममा विपद सम्वन्धि अभ्यास कार्यक्रमलाई कसरी प्रभावकारी बनाउन सकिन्छ भन्ने बिषयमा समेत छलफल भएको थियो ।