भुकम्प प्रभावितलाई राहत सहयोग उपलब्ध गराउने उद्देश्यले रुपन्देहीको सैनामैना नगरमा समेत राहत संकलन गरिएको छ । यसरी संकलन भएको खाद्यान्न लगायतका सामान जिल्ला विपद तथा दैबी प्रकोप व्यवस्थापन समितिमार्फत पठाउने व्यवस्था अनुसार सैनामैना नगरपालिकाले बुधबार जिल्ला बिपद व्यवस्थापन समितिमार्फत पठाउने भएको सैनामैना नगरपालिकाका प्रमुख फणेन्द्रप्रसाद शर्माले बताउनु भयो ।

नगरपालिकाले भुकम्प प्रभावितहरुलाई राहत सामाग्री पठाउन वडा वडामा राहात सामाग्री संकलन गरेको हो ।
यसैबीच सैनामैनाको सप्तऋषि सहकारी संस्थाले भुकम्प प्रभावितलाई राहत सामाग्री सहयोग गरेको छ । सहकारीले एकसय पिस डाईपर, एकसय पिस हाइनेक, ६० पिस टोपी, चाउचाउ, एकसेट गलैचा र केही सेट कपडा सहयोग गरेको छ । ती सहयोग सामाग्री सहकारीका अध्यक्ष प्रेमबहादुर बानियाले सैनामैना नगरपालिकालाई हस्तान्तरण गर्दै भुकम्प प्रभावितलाई मानवीय नाताले सहयोग दिने उद्देश्यले राहत सामाग्री प्रदान गरिएको बताउनु भयो ।

सैनामैना नगरपालिका बिपत ब्यबस्थापन फोकल पर्सन सुरज न्यौपानेले सैनामैनाबाट संकलन भएको राहत भुकम्प प्रभावित क्षेत्रमा पठाउन आवश्यक तयारी भैरहेको बताउनु भयो ।