रुपन्देहीको सैनामैना वडा नं. ३ मा रहेको सुनखानी कृषि सहकारी संस्थाको ६ औं बार्षिक साधारण सभा बुधवार सैनामैनामा सम्पन्न भएको छ । साधारण सभाको एक समारोहका बीच सप्तऋषि सहकारी संस्थाका अध्यक्ष प्रेमबहादुर बानियाले उदघाटन गर्नुभयो ।

त्यस अवसरमा बोल्दै प्रमुख अतिथि सप्तऋषि सहकारीका अध्यक्ष प्रेमबहादुर बानियाले सहकारीमा लामो समयदेखि काम गर्दै आएकोले सहकारी चलाउने बिषयमा विज्ञ नै भैसकेको बताउँदै तर अझै कमी कमजोरी भए सुधार गर्दै अघि बढ्नुपर्ने बताउनु भयो । उहाँले सहकारीलाई अघि बढाउन सहकारीका सदस्यहरुको जुन भूमिका र सक्रियता देखिएको छ त्यो सराहनीय छ भन्दै खासगरि महिला दिदी बहिनीहरु सहकारीमा सदस्य भएर सहकारीको प्रगतिमा धेरै योगदान गरिरहेको बताउनु भयो ।

त्यसैगरी कार्यक्रममा सैनामैना नगरपालिकाका सहकारी विभाग प्रमुख रामकुमार भट्टराईले सुनखानी कृषि सहकारीले सैनामैनाको कृषि क्षेत्रको विकासमा योगदान पु¥याउने विश्वास ब्यक्त गर्नुभयो ।
सहकारीका अध्यक्ष अशोक खडकाको सभापतित्वमा भएको कार्यक्रममा साझा टेलिभिजन एचडीका प्रवन्ध निर्देशक भुवन जिसी, सहकारी विभाग सैनामैना नगरपालिकाका प्रमुख रामकुमार भट्टराई लगायतले बोल्नुभएको थियो ।

सहकारीका ब्यवस्थापक रामबहादुर बानियाँको संचालनमा भएको कार्यक्रममा स्वागत सचिव सागर खनालले गर्नुभएको थियो ।
आर्थिक बर्ष २०७०÷०७१ सालमा स्थापना भएको सहकारीले २०८१ असार मसान्तसम्म शेयर सदस्यको संख्या तीनसय पु¥याउने लक्ष्य राखेको छ ।