६२ औ नेपाल नर्सिङ दिवसको अवसरमा रोटरी क्लब अफ बुटवल डाउनटाउन र ओम महिला तथा बाल अस्पताल प्रालिले सोमबार ३२ जना रिटायर्ड नर्सहरुलाई खादा, सम्मानपत्र र टिकाबाट सम्मान गरेको छ ।
सरकारी अस्पतालमा रहेर न्युनतम ३० वर्ष सेवा गरेका नर्सहरुलाई दिवसमा सम्मान गरिएको रोटरी क्लब अफ बुटवल डाउनटाउनका अध्यक्ष कमला हमालले बताउनुभयो । आफै पनि ४० वर्ष लुम्बिनी प्रादेशिक अस्पतालमा नर्सिङ सेवा गर्नुभएकी उहाँले आफनो कार्यकालमा सम्मानको नयाँ कार्य थालनी गर्नुभएको हो ।
सम्मान ग्रहण गर्दै रिटायर्ड नर्स मोहनतारा पछाईले जीवनभर गरेको सेवाप्रति संस्थाबाट दिएको सम्मानले खुसी तुल्याएको बताउनु भयो ।
कार्यक्रममा जोन २५ का एजी सुनिल श्रेष्ठ, क्लबका पूर्व अध्यक्ष जीवन अधिकारी, पुर्व अध्यक्ष राजेन्द्र ढकाल, सचिव प्रकाशराज पौडेल, अस्पतालका अध्यक्ष शारदा तिवारीले रिटायर्ड नर्सहरुबाट समाजलाई दिएको योगदान अमुल्य रहेको बताउनु भयो ।
कार्यक्रममा ओम महिला तथा बाल अस्पताल प्रालिका मेडिकल सुपरिटेन्डेन्ट डा. शर्मिला शर्माले स्वास्थ्य र महिलाहरुलाई प्राथमिकतामा राखेर अस्पताल खोलिएको बताउँदै महिला सशसक्तिकरणलाई टेवा दिने गरि अधिकाश महिला शेयरधनी र ब्यवस्थापनमा अस्पताल संचालन भएको बताउनु भयो ।
अस्पतालमा २५ जना शेयर सदस्यहरुको करीब १० करोड रुपैया लगानीमा प्रसुति सेवा, खोप, एनआईसियु, ओपिडि, २४ घण्टा ईमेरजेन्सी, अपरेसन, औषधी, प्रयोगशाला सेवा उपलब्ध भैरहेको उहाँले बताउनु भयो ।
प्रतिक्रिया
